FAQs
Koe ha 'ae First Five Hauai'i?
Ko e First Five Hawaiʻi ko ha feituʻu ia ke ako ai fekauʻaki mo e ngaahi maʻuʻanga tokoni maʻa e ngaahi famili mo e fakalakalaka ʻa e fanau iiki. Te ke lava ʻo maʻu ha fakamatala lahi ange ʻi heʻemau peesi About. Ko e fakamatala ki he firstfivehawaii.org ʻoku tauhi fakamuimuitaha ia ʻe he ʻOfisi Pule ki he Early Learning (EOEL).
ʻE anga fefe haʻaku maʻu ha fakamatala lahi ange fekauʻaki mo hono tokangaʻi ʻo e fanau mo e ako tokamuʻa?
ʻOku ke fie maʻu ha tokoni ki hono tokangaʻi ʻo e fanau? Lomiʻi heni ke maʻu ʻa e ngaahi kautaha ʻoku feʻunga mo hoʻo ngaahi fie maʻu ʻi he ngaahi feituʻu ʻoku faingamalie taha ki ho famili.
ʻE kei lava nai ke u fakaʻaongaʻi ʻa e First Five Hawaiʻi kapau ʻoku motuʻa ange ʻeku fanau pe ko ha niʻihi ʻo ʻeku fanau ʻi he taʻu 5?
Naʻe fokotuʻu ʻa e First Five Hawaiʻi maʻa e fanau taʻu 0-5 mo honau ngaahi famili, ka ʻoku lahi ʻa e ngaahi polokalama ʻi he First Five Hawaiʻi ʻoku ʻikai fakangatangata honau taʻu motuʻa pe ʻe lava foki ke tokoniʻi ʻa e fanau lalahi ange. Fakahu pe ʻa e ʻaho faʻeleʻi ʻo e tamasiʻi lahi taha ke sio ki he ngaahi polokalama ʻe lava ke nau kau ki ai, hange ko e TANF/TAONF, Med-QUEST, pe SNAP.
ʻOku ʻi ai ha totongi ki hoʻo ngaahi ngaue pe polokalama?
ʻIkai, ʻoku taʻetotongi kotoa ʻemau ngaahi polokalama, ngaahi maʻuʻanga tokoni, mo e ngaahi meʻa ʻoku hoko maʻa e ngaahi famili. Ko ʻemau taumuʻa ke faingofua hono maʻu ʻe he tokotaha kotoa pe ʻi Hawaiʻi ʻa e ngaahi maʻuʻanga tokoni ʻa e fanau kei iiki.
ʻOku vahevahe nai ʻe he uepisaiti ko ʻeni ʻeku paʻanga hu mai pe fakamatala kehe mo e puleʻanga?
ʻOku vahevahe pe ʻe he First Five Hawaiʻi hoʻo fakamatala fetuʻutaki (hingoa mo e ʻimeili) mo e ngaahi polokalama ʻe lava ke ke maʻu koeʻuhi ke lava ʻa e kautaha ʻo muimuiʻi.
ʻOku ou tokangaʻi hoku fangamokopuna. ʻE kei lava nai ke u maʻu ha tokoni?
ʻIo! Kapau ʻoku ke tokangaʻi ha kiʻi tamasiʻi, neongo ʻoku ʻikai ko ʻenau matuʻa totonu koe, ʻoku ʻi ai ʻa e ngaahi polokalama mo e ngaahi tokoni ʻe lava ke poupouʻi ʻa e fanau ʻoku ke tokangaʻi.
Ko e ha ʻa e Eligibility Screener Tool?
ʻOku tokoni ʻa e screener tool ʻi he uepisaiti ʻa e First Five Hawaiʻi ki he ngaahi famili ke nau maʻu ʻa e ngaahi polokalama mo e ngaahi tokoni ʻe lava ke nau maʻu. Fakahu pe hoʻo fakamatala fetuʻutaki, zip code, ʻaho faʻeleʻi hoʻo tama, mo e paʻanga hu mai fakamahina ho famili. Te ke lava leva ʻo sio ki he tokoni te ke feʻunga nai mo ia!
Te u lava ʻo maʻu ʻi fe ha lisi ʻo e ngaahi polokalama ʻi he First Five Hawaiʻi?
Lomiʻi heni ki ha lisi ʻo e ngaahi polokalama mo e ngaahi kautaha ʻoku lolotonga ʻi he First Five Hawaiʻi.
